Hardin ng Panalangin

ni Sinagtala

Halika sa aking hardin

At masdan ang aking mga pag-aari

May mga nasa itaas at mayroon ding mga nasa ibaba –

Lahat ay ayon sa aking pamimili.

Haplos ko’y nakapaghahatid

Ng nakapangliliyong pagkitil

Kaya’t ang sumalungat sa’king hangin

Ang siyang una kong pipitasin.

Halika sa aking hardin

At sambitin mo na ang iyong mga panalangin

Dahil sa delubyong ito, ako’y walang sasantuhin

Patay na kung patay,

Basta’t ang sisi ay hindi sa akin.